اول خطوة عملتها اني غليت ماء وحطيت فيهم ورق العنب وخليتهم يغلوا مرة واحدة شلتهم وصفيتهم وخليتهم يبردوا

بهذا الوقت حضرت الحشوة وهي عبارة عن الرز المنقوع والمصفى واللحم والكمون والبهار والملح والنعناع اليابس وحامض الليمون والزيت والثوم وخلطتهم منيح

على صينية نضيفة حطيت الورقة بحيث يكون الجزء العريض منها قريب مني والجزء الرفيع لتحت بنحط كمية حشوة بسيطة تقريبا قد نصف عرض الاصبع الصغير لحتى ما تطلع الحشوة لبرا بنجيب الطرفين الى مقابل بعض وقد بعض بنطويهن لجوا وبنرجع بنجيب الجهة العريضة وبنلفها بطريقة مرتبة

بنصفهن بطنجرة مناسبة بحيث نحط شقف اللحم او اللية بالكعب وفوقها ورق العنب وعند نفاذ الكمية بنغطي الورق بصحن غميق مناسب يغطي كل ورق العنب حتى ما يفلشوا