في كوكوط نحط الدجاج والزيت ونغليهم مليح ثم نزيد البصل مقطع رقيق مربعات ونغليهم ونزيد التوابل ونغلي مليح ومن بعد نزيد الطماطم مسكرفجة (مفرومة) والطماطم باط ونخليهم يتغلاو باه الدوزان يدخل في الدجاج ونمرق ونغلق الكوكوط مدة ربع ساعة او عشرين دقيقة

من جهة اروحو للعجين نحط في قصعة الدقيق ونشمخو بالماء ونتركه يرتاح مدة ربع ساعة ومن بعد نعجنو مع الدلك الجيد ونديرلو الملح ونلوزو بالزيت ونخليهم يرتاحو مدة عشرة دقائق

ومن بعد نطيبو فطير

ومن جهة نرجع للمرق ننزع الدجاج من المرق ونقطع الخضر دوائر ونضعها مع المرق لكي اطيب والدجاج نحمرو

وكي يطيب (يستوي) كلشي نسقي وبصحة الجميع بسكرة مشهورة بهذي الشخشوخة