شوربة السي فود 🍤🍲
إفتح في تطبيق كوكبادالخطوات
- 1
بنغسل المكونات كويس جداً بمياه وشويه خل صغيرين وبعدين بمياه بس ونصفيهم من المياه ونغسل الجندوفلي في ماء مغلية ونطفي عليها ونرمي جواها الجندوفلي لغاية مايفتح ويطلع الرمل اللي جواه وبعد خمس دقائق نصفيه ونشطفه
- 2
هنحط على مكونات الطبق ملح وكمون وزنجبيل بودرة ورشة جوزة الطيب وحبهان وورق لورا بالعدد علشان نشيلهم وقت التقديم
- 3
في حلة هنحط معلقتين الزيت ومعلقة الزبدة وهنشوح بصله صغيرة متقطعه صغير وثلاث فصوص ثوم مفروم ويتشوحوا ونبدا ننزل بالمكونات بالترتيب الكابوريا والكاليماري والسمك الفيليه والجمبري واخر حاجة الجندوفلي وبين كل مكون والتاني حوالي دقيقة
- 4
ويتقلبو مع بعض وبعدين تضيفي ملعقة الجزر المبشور وبعدين الكرفس متقطعين صغير خالص وبعدين علبة الكريمة اللباني حوالي نصف كوب للطبق النص كيلو او لبن عادي ونزود بشوربة الجمبري ونتابعه بقى لغايه مايستوي مش بتكمل كام دقيقة وبالف هنا وشفاء
- 5
شوربة الجمبري هي قشر الجمبري بيتغسل بمياه وخل ويتحط في الماء بصله وكام فص ثوم وملح وكزبرة وكمون وزنجبيل بودرة وحبهان وجوزة الطيب ومستكة وتتغلي لمدة ربع ساعة وتتصفا تبقي احلى شوربة تزودي بيها شوربة السي فود
كلمات ذات صلة
وصفات مشابهة
وصفات ننصحك بمشاهدتها
التعليقات