نضع في ليان الفرينة والملح والسكر والخميرة بعدين الزيت والحليب والخل ونلم بلماء حتى تولي عجينة طرية ندرها حربوش ونقطعها عشر دوائر نمسحها بزيت ونبدأ نحلها كي لمسمن.بعدما نكون طيبنا الحشو عادي نحط البصل في المقلة ونحمس شوية بزيت نزيد اللحم ونخليه يطيب نزيد فلفل اسود والملح ونكصر حبة بيض من بعد المعدنوس ونخلط تمتم نطفي نخليه يبرد الحشو

نولو العجينة نحلها كيما نتع المسمن بزيت ندير الحشو طوليا ونلويه كي الحربوش يجوك عشر حرابش نحط واحد قدام خوه وتخليهم يخمرو نمسحهم من الفوق بصفار البيض وندير الجلجلان نكون سخنت الكوشة ندخلو يطيب من بعد نحمرو من الفوق.