طريقة عجينة اﻹكلير: بطنجرة عالنار بنحط المي والزبدة ورشة الملح والفانيلا وبنتركهن يغلو وتدوب الزبدة عاﻵخر بس غلت بنضيف كمية الطحين مرة وحدة وبنقلب بسرعة بمعلقة خشب حتى تتكون عنا عجينة قطعة وحدة ومتماسكة بنقلبها دقيقتين لحتى تستوي العجينة بننقلها على طبق تاني بنقلبها لحتى يطلع البخار منها وتبرد شوي

بنبلش نضيف البيض بيضة بيضة بالتدريج بضيف بيضة وبقلب لتختفي وتمتزج مع العجينة تماما بعدين بضيف التانية وهكذا ليخلص مقدار البيض بتكون العجينة جاهزة من دلائل نجاح هالعجينة لمعة العجينة ولازم لما نعمل فيها خط بمعلقة ترجع تلم العجينة على بعضها

بنعبيها بكيس حلواني مع قمع مزخرف أو أي كيس بشكلها على ورق زبدة بأي شكل أصابع أو وردات وبأي حجم بدك ياه لازم نترك فراغ منيح بين الحبات ﻻنها بتنفش وبيتضاعف حجمها بالفرن

بنكون مسخنين الفرن على حرارة 160 -180 مئوية بدخلها الفرن بالرف الوسط انا فرني مع مروحة لمدة 45 ل50 د حتى ياخدو لون دهبي غامق ويطلعو مقرمشين وفاضيين بدون تعجين لازم ينخبزو بحرارة وسط لفترة كافية حتى مايهبطو ويعجنو بس أخدو لون بنطلعهن بنتركهن يبردو بالصينية تماما

بنحضر الحشوة حسب رغبتا كريما مخفوقة سادة أو مع شوكولاته أو كاسترد يلي هو كريم باتسيير سادة أو مع كاكاو بنغطس الوجه بشوكولا سوداء أو بيضاء مدوبة وبنخليها تبرد منيح بالبراد ممكن نرشه سكر بودرة كمان بدل. الشوكولا بعدين بنقدمها وصحتين وألف هنا أنا عيرت المكونات بالميزان

من أسباب عدم نجاح اﻹكلير وأسباب تعجينه وهبوطه بعد الخبز كتير في أسباب منهن أنك تفتحي الفرن عليهن بفترة خبزهن الطحين قليل بالعجينة البيض زيادة عياره مدة الخبيز غير كافية بالنسبة لطريقة خبز اﻹكلير انا فرني بيشتغل عالجهتين سوى وبيخبز بشكل متساوي انتي خبزيهن بس من تحت بس ستوو شويهن من فوق اذا ما أخدو لون انا فرني بمروحة بيخبز بشكل كامل بدون ما أضطر أشعل شواية الفرن ♡♡♡♡♡♡ملاحظات لنجاح اﻹكلير الفرنسي ♡♡♡♡♡ في عدة أسباب لنجاح اﻹكلير ☆لازم تكون المقادير تمام ☆والطريقة كمان تمشي عليها بالضبط وكمية البيض ماتكون قليلة ولا زيادة ☆ولازم تنخبز لمدة كافية لمدة بين 45 و50 دقيقة على حرارة 160 مع مروحة 180 بدون مروحة بالرف الوسط ☆لازم تتحمص منيح وتاخد لون بني وتصير قاسية من برا ☆مالازم نطلعها قبل مايمضى عليها الوقت المطلوب ☆لازم ماتفتحي الفرن إلا بعد ماتستوي لنص ساعة عاﻷقل حتى ماتهبط ☆وبس خلص الوقت وتحمصت مزبوط بنطفي الفرن وبنترك اﻹكلير 5 دقائق تانية بعدين بنطلعهن حتى نضمن أنها مستوية وماتهبط بتمنى تقر أو الملاحظات قبل ماتحضرو الوصفة ☆وأهم شي ننخل كمية الطحين قبل مانضيفه للمي والزبدة حتى ماتعمل كتل

كريم باتسيير الكاسترد المنزلي كوب حليب كوب كريما نص كوب سكر أو كوبين حليب ملعقتين كبار نشا الذرة 1م ص فانيليا 4 صفار بيض قطعة 50غ زبدة لتعزيز النكهة بنسخن الحليب والكريما بطنجرة عجنب بخفق الصفار مع السكر والفانيلا والنشا بضي ف شوي شوي من الحليب الساخن عالصفار وبقلب بسرعة ليصير بدرجة حرارة الحليب برجع بضيف هالخليط عالطنجرة وبحرك ليغلي ويتماسك آخر شي بضيف الزبدة وبحرك لتدوب تماما بسكبه بطبق بغلفه بنايلون بحيث يلامس الكاسترد مباشرة حتى مايعمل قشرة عالوش بتحطي بالبراد ليبرد تماما بعدين بتستخدميه بأي نوع حلو بدك ياه فيكن ضيفو كاكاو خام للكاسترد أو شوكولاته سايحة حتى تحصلو على كاسترد شوكولاته

وألف صحة وهنا جربوها