نحط الخميرة والسكر على جنب ونضيفلهم الماء الدافئ ونحط الفرينة (طحين) نزيدلها الملح وحليب الغبرة ونخلط وندير الزيت ونبسس تكون الخميرة تفاعلت نخلطها معاها ونزيد لماء حسب الحاجة ونجمع ثم نعجنها شوية وندهن الاناء بالزيت ونرد العجينة تختمر فيه

بعدما تختمر نجيبها نحلها مربع كبير نمسحها كامل بصلصة الطماطم ثم نزيد الزيتون والتونة والفلفل والجبن بلا مانوصل للاطراف ونروليها كيما اي مثل البسكويت رولي ونغلق جيداً الاطراف كامل

نقطعها دوائر ونحطهم في صينية مدهونة بالزيت ونبسطهم شوية باليد ونخليهم يخمرو ونرش عليهم شوية جبن من الفوق بعدها ندخلهم للفرن على اعلى درجة لازم يكون سخون مليح مايديوش وقت كبير فالطياب

والله صدقوني راح تاكلو صباعكم وراهم جربو وردولي واللي جربتها تردلي صورة وتعليق وصحة فطوركم