الفراخ المحشية بالأرز ونتيجة مضمونة
الناس حيرونى فى قصة الفراخ المحشية بالرز اللى يقولى الرز يبقى نى واللى يقوللى يبقى نص سوا و اللى يقوللى الفراخ مش هاتستوى حلو ف الفرن ولازم تتسلق زى الحمام المحشي كده و كلام كتير لحد ما لقيت المفيد
الفراخ المحشية بالأرز ونتيجة مضمونة
الناس حيرونى فى قصة الفراخ المحشية بالرز اللى يقولى الرز يبقى نى واللى يقوللى يبقى نص سوا و اللى يقوللى الفراخ مش هاتستوى حلو ف الفرن ولازم تتسلق زى الحمام المحشي كده و كلام كتير لحد ما لقيت المفيد
إفتح في تطبيق كوكبادالخطوات
- 1
اول حاجة طبعا بعد غسل الفرخة هى التتبيلة و هى عبارة عن الزيت و الخل و الكركم والزعتر و الصلصة او البابريكا حسب المتوفر و الماجى و الملح و الفلفل و السكر فى حالة الصلصة
- 2
نقلب المعجون ده و ندهن بيه الفراخ كويس جدا من كل ناحية و من جوة و نسيبها حوالى 4 او 5 ساعات فى التلاجة
- 3
نشوح البصلة مع رشة ملح و رشة فلفل لحد ما لونها يغمق و نضيف الرز المغسول و نشوحه معاها و نديله ميته عادى جدا لكن... يادوب يشرب ميته كويس نبدأ نهدى النار عالاخر و نغطى و نسيبه بالظبط 10 دقايق و نطفى
- 4
نسيبه يبرد و الافضل نفرده على صينية علشان يبرد احسن
- 5
بعد مايبرد نحشي بيه الفرخة كويس لأنه خلاص مش هاينفش تانى و نقفل فتحة بطنها بخلة او حتة سيخ خشب او نخيطها.. المتاح بقا و نربط رجلها
- 6
على فرن 200 درجة متسخن قبلها ب 10 دقايق نحطها على الرف الاول من تحت بس هانحطها على شبكة الفرن مش الرف و نحط تحتها ورقة فويل عشان مانبهدلش الفرن و كمان لو حد بيحب يستخدم دهون الفراخ ف حاجة او ياسلام لو ضيفتى الدهون دى لباقى الرز اللى هايتحط تحتها مع حبة زبيب.. هايبقى حلو جدا... و كل فترة كده نشوفها علشان هانقلبها
- 7
هتاخد حوالى ساعة او اكتر او اقل بحاجات بسيطة حسب حجم الفرخة و ممكن تختبرى السوا انك تغرسي شوكة فى كل حتة تخينة ف الفرخة وادخلى جوا اوى و طلعى الشوكة.. لو طلع سائل شفاف يبقى استوت.. لو طلع سائل احمر وردى او دم يبقى طبعا لسة :)
- 8
حابة تضيفى ريحة الشوا سخنى فحمة لحد ما تحمر و حطيها فى حتة فويل و حطى عليها نقطين من دهن الفراخ و حطى الفرخة معاها فى حلة.. جهزى كل حاجة و فى الاخر اديها النقطتين دهن عشان اول ماتطلع دخان تقفلى على طول و سيبيها حوالى 10 دقايق تشرب ريحة الشوا
- 9
مش عايزة يبقى خلاص كده جاهزة و على طبق التقديم مع باقى الرز بعد ماتكونى كملتى سواه طبعا ولو هاتحطى زبيب حطيه معاه قبل ما تكملى سواه عشان ياخد طراوة و زينيها بالرز مع اى سلطات او طحينة او اى حاجة جانبية بتحبيها و بس كده.. رز مفلفل فرخة مستوية و كله تمام
- 10
بعدها بقا قومى عشان تنضفى شبكة الفرن و الفويل شال عنك هم قعر الفرن خلاص ;)
- 11
اخر حاجة عايزة اقولهالك قبل ماتقومى تطبقى :d لو عندك شوية عصاج لحمة او حابة تضيفى لحمة مفرومة ممكن تضيفيها مع البصلة و تشوحيها قبل الرز زى طريقة الرز بالخلطة كده او لو العصاج جاهز ضيفيه مع الرز على طول بجد هاتبقى اضافة ممتازة هاتعجبك جدا.. بس لو مش عندك خلاص ماتزعليش المرة الجاية بقا ;)
الكوكسناب
Keywords
وصفات مشابهة
وصفات ننصحك بمشاهدتها
التعليقات (19)