نحضرو اولا la pâte كيما اي مثل كامل نعرفو نعملو الصابلي نحط الزبدة السكر نحكو شوي باش يدخل السكر نزيد بيضة الليمون الفانيلا الزيست او مبشور القرص ونخلط الكل جيداً ونشيح بالفرينة ونضيف الخميرة تكون عجينة طرية

نوجد سنيوه نحط فيها ورق الطهي ونحل العجينة بين كيسين نايلون بالحلال ونقطع حسب المول تاع صابلي لي عندك ونحط فيسنيوة ونطيبو في الفرن على 180 درجه ماياخدش وقت طويل يحمر من تحت نحيه

نوجد الكريمة لي نلصق بيها تقدري تستغناي عليها ولصقي بالمعجون حبيت نبدل من الوصفة الروتينية المهم تحط في صحن ملعقة الزبدة مع الليمون والسكر وتخلطي مليح بالباتور حتى الحصول على كريمة نلضقو حبيبات الصابلي بالكريمة كل زوج مع بعض

نوجد القلاصاج نضع الحليب الزيت ماء الزهر والليمون ونخلط حتى تتجانس المكونا ت باستعمال الفوي ومن بعد نضيف السكر الملون الغدائي لونه اصفر المغربل حتى الحصول على قوام ما يكونش مطلوق وما يكونش شاد روحو ونحط حبة فوق الفرشيطة ونفرغ بالملعقة ونخبط بيدي حتى يسيح الزايد اذا كانتعندك une grille خير وخير ونزين حسب الرغبة انا استعملت وريدات عملتهم من عجينة السكر وحطيت داخلهم عقاشة شكلو جميل جداً ويشبح سنيوة العيد..😊😊😊😊