هنجيب البصل و نفرمه خالص و نحط ملعقة صغيرة سمنه و نحط عليها البصل و كمان نقطع التوام قطع صغيرة و نحطهم و نشوحه لحد ما يذبل كده مش عايزه ياخذ لون هو يذبل بس و احط عليها اللحمة المفرومه

بعد ما اللحمة المفرومه تأخذ لون هنحط عليها التوابل و الصلصله و نقلبها كويس اوي عشان كله ياخذ من طعم بعضه و نسبها تستوي

هنجهز البشاميل هنحط السمنه لحد ما تذوب و ننزل عليها بالدقيق و نقلب كويس اوي لحد ما ريحه الدقيق تطلع و ننزل عليها باللبن و كل دا على نار هاديه و نخطلهم لحد ما مش يبقى في كتل و نحط التوابل عليه و نسيبه لحد ما يتقل نسبيا يعني اخف حاجات بسيطه من بشاميل المعكرونه بالبشاميل

هنجيب اللازانيا انا عملت لازانيا الملكه و طلعت روعه دي نص كيلو تقريبا مش هنسلق اللازانيا احنا هنجيب صينيه و ندهنها سمنه او زيت و بعد كده نضيف طبقه بشاميل

و نضيف فوق طبقه البشاميل لازانيا ثم بشاميل تاني و بعدها نحط لحمة مفرومه ممكن تحطي بين الطبقات جبنة موزاريلا او رومي و نفضل نكرر كده لحد ما نخلص الكميه و بعد كده نحط على الوجه بشاميل و الجبنة و نحطها في الفرن على درجه حراره ١٨٠لمده من ١٥ل٢٠دقيقه كده و تطلعها و تتقدم و بألف هنا🌹