نخلط الفرينة (طحين) مع السمن والملح باليد جيداً حتى تتشرب الفرينة (طحين) السمن

نضيف الماء دافيء ونجمع العجينة حتى تصبح طرية ومتماسكة نضعها في كيس وإلى الثلاجة من 6سا ال 24سا قد ما ارتاحت قد ما تعطينا نتيجة افضل (انا استعملت ماء الزهر في مكان الماء)

بعدما ترتاح نفتحها بالحلال أو بالآلة سمك 0.5 ملم ونطويها على 3 ونعاود نفتحها سمك 0.5 ملم وكل هذا بالاستعانة بالنشاء

نقطع دوائر بالقطاعة المتوسطة ونثبت 3 دوائر فوق بعض ببياض البيض في الوسط

نعطيهاالشكل كما هو موضح في الصور ونثبته بأعواد الأسنان (يمكن إستعمال أعواد الأسنان أكثر من مرة يعني تنزعيه من حبة وتقلي بيه حبة اخرى)

نقليها في زيت ساخن على نار هادئة

نعسلها بعسل بارد وهي باردة باش تحافظ على القرمشة و نزينها بالجلجلانية ونقدمها بالصحة والهناء

إذا حبينا نحفظها مدة طويلة نحطها من غير عسل في علب في الثلاجة حتى 30 يوم واذا مدة أطول نحطها في المجمد ولما نحب نقدمها نعسلها ونزينها - هذا حجمها في وسط ملعقة الأكل صغيرة وجميلة وممكن استعمال الحجم أكبر

تدبيرة: كل ما نقطع الدوائر تبقى الزوائد نجمعها مرة واحدة ونعاود نقطع منها الدوائر والمرة الثانية ما نجمعش العجين لانو ما يمدش نتيجة مليحة واكيد ما نرميهش نقطعو في آلة الرشتة بالإستعانة دائما بالنشاء ونقليه ونحطو على ورق ماص للتخلص من الزيت الزائد ونعاود الورق أكثر من مرة للتخلص نهائيا من الزيت ونخليه يبرد ونحفظو في علب في المجمد نستعملو في وصفاتي منها حلوة البلوطة ووصفات أخرى إن شاء الله.

الطحين (الفرينة (طحين))لازم يكون نوعية جيدة