اولا نبسس جيدا الفرينة مع السمن والزيت ثم نضيف قرصة ملح ولافاني وندخلاها جيدا ،ومن جهة نضرب حبة البيض مع فنجال ماء الزهر،ولم بيها العجينة ونشوف اذاخصها نزيد قليل ماء الزهر ،ولمها ونغطيها تريح ليلة كاملة ،هدا ايضا سر لنجاح البقلاوة

ايضا نجمع من جهة الحشو ،يلزم يكون مفتول كيما الطعام ،نعود للعجينة بعدما ريحت ،نقصمها الى كورات ،ونغطيها،ونبدا نحل قليل بلحلال،ثم في الة التوريق،ونحلها في رقم2ثم 5ثم 6او 7 لي عندو،وندهن البلا لي راح ندير فيه بسمن الذاءب ونضع طبقة اولى وندهنها كامل بسمن ونكمل الحلان بنفس الطريقة مع كامل العجينة حتى نوصل الى 6طبقات ،ونضع الحشو ونوزعوه بتساوي،ونبدا نحل في العجينة وندهن في كل طبقة بسمن ماعدا الطبقتين لي بينهما الحشوة ونكمل حتى الطبقة 5 ولاخيرة ونقطعها مقروطات الحجم كيما تحبو،ونضع على كل حبة

لوزة ورشقها في الوسط كيما زمان ،كي نكمل ندهنها كامل بسمن المذاب جيدا وندخلها للفرن على نار متوسطة حوالى ساعة وربع ،كي تحمار من الاسفل نحمرها من الفوق وننزعها ومباشرة نفرغ عليها حوالي 1ك عسل نونوس ولا مرجان ،ونتركها تتشرب ليلة كاملة ونقدمها ،بصحة ولعافية