مقروط الكوشة ساهل بالكوكاو
هاد المقروط ساهل و بنين بلا ما تديري حرابش
مقروط الكوشة ساهل بالكوكاو
هاد المقروط ساهل و بنين بلا ما تديري حرابش
إفتح في تطبيق كوكبادالخطوات
- 1
نبسسو السميد و الفرينة بخليط ليدام مليح بالكف تاع اليدين ثم نزيدو الملح و الفانيلا(إذا عندكم الوقت خليو هاذ الخليط يتشرب مليح ليلة كاملة)
- 2
نشمخو الكوكاو بماء الزهر كيما الكسكس و نعطروه بالفانيلا
- 3
نقسمو خليط السميد الى اثنين. نشمخو الجزء الأول بالماء و ماء الزهر بلا ما نعجنو حتى نتحصلو على عجينة طرية بصح شادة روحها(ماشي يابسة)
- 4
نحاولو نبسطو العجينة على لوحة خشب من المستحسن او على طاولة العمل على سمك 1سم(او اكثر حسب الرغبة).
- 5
نزيدو نحطو الكوكاو فوق العجينة الأولى. ثم نشمخو الجزء الثاني من السميد كيما الاولى بماء الزهر و الماء و نحطوها فوق الكوكاو
- 6
نسقمو سطح العجينة مليح و نضغطو عليها شوي باه يلتاسق بالحشو (من الأحسن نخليه يرتاح شوي)
- 7
نقسمو مقروطات كيما البقلاوة و ننقشو السطح و نستفوهم كل وحدة لاصقة في ختها و نزينو بحبة كوكاو و نطيبوهم من التحت في فرن سخون على 180 درجة حتى يأخذ لون ذهبي ثم من فوق. فور خروجه من الفرن نغطسو المقروط فى عسيلة ماشي ثقيلة نقطروهم في كسكاس
- 8
نقدرو نزيدو نعسلوهم كي يبردو فى عسيلة دافية. بالصحة و الهنا
- 9
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات