اولا بليلة من قبل توجدي العجينة تحطي الفرينة (طحين) الملح وتبسيها بالزبده مخلطة مع السمن من بعد تلمي بالملء وماء الزهر تتحصلي على عجينة ماهي طرية ماهي يابسة تدلكيها بيدك وتقسميها كويرات سبع كويرات تغطيهم بال papier sulfurisé او الورق البلاستيكي وتخليها ليلة كاملة ترتاح

وتوجدي الحشو تاعك....اللوز والجوز والكاوكاو كاين لي يعملوها جوز برك او لوز برك او جوز ولوز وانا خلطت معاها الكاوكاو وشي كي حمصتو في الفرن ماحمرتوش خليتو ابيض ورحيتو....صدقوني ما يبانش خلاص بلي فيها كاوكاو (فول سوداني) يبان لوز لاني استعملت الكاوكاو كيلة ثالثة.فقط هاذو وجدتهم في الليل ماتنسايش تنحي اللوز حبات كاملين ترشقي بيهم..😉😉😉😉😉

غدوة من ذاك وجدت le plan de travail تاعي باش تجيك الخدمة ساهلة حطي كلش بحداك وجدت الحلال الطابلة السنيوة طبعاً في كاسرول تحطي السمن يذوب توجدي ال pinceau باش تدهني الورقات.تحتاجي شوية نشاء

نبدأ نحل في الكرات نحط القليل من النشاء فقط باش تتحلك مليح ملتكتريش من النشا وحلي بلعقل حتى يبان le plan de travail تدهني السنيوة مليح بالفرشاة بالسمن حتى الحواف وتحطي الورقة الاولى تعدليها ساير داير وتخلي الحواف طايحين وتدهني بالسمن وتزيدي الورقة الثانية بنفس الطريقة وتدهني بالسمن المهم اربع طبقات من تحت كي توصلي للرابعة ما تدهنيش تحطي الحشو

الحشو توجديه تخلطي اللوز الجوز الكاوكاو السكر رشة قرفة مليح وتبلي بماء الزهر حتى تتحصلي على خليط مرمل ماش يتعجن كيما اي مثل نعملو البربوشة او النعمة وتحطي لاروم او العطر اللوز حسب الرغبة وتفرغيه على الطبقات وتعدليه مليح في السنيوه sans tassement بلا ماتضغطي على الحشو مباش ما يهبطتش المهم تستفيه ساير داير باش ما تجيش جهة طالعه وجهة هابطة ومن بعد نكمل نحل باقي الطبقات الثلاث ومابين طبقة وطبقة ندهن بالسمن او اللي تحب خليط سمن وزبده

في هاذ.الوقت توجدي العسل تاعك يكون بارد انا استعملت عسل المرجان تاع كيلو نحيت منو قيس كاس كبير وقيمة هاذاك الكاس حطيت عسل الشفا ومن الافضل سانفرنسيسكو.باش يعطيه طعمة العسل الحر وهي سخونة كي تخرج من الفرن تسقيها بالعسل بارد وتخليها تتشرب جيداً و تغطيها بكيس بلاستيكي بعد ما تبرد وخليها تتشرب

ومن بعد عاودي اقسمي بالسكين واعدلي الطراف بالموس جيداً وحطيهم في ليكيسات الخاصين بالبقلاوة....اول مرة نخدمها البقلاوة وصدقوني جات هاييييلة وساعدني فيها زوجي. انا كنت ماعندي حاجة فيها بصح كي تخدم الحاجة بيدك تاخذ وقت وجهد بصح النتيجة جد رائعة ماكانش قد خدمة اليدين 👌👌👌👌😘😘😘😘👏👏👏👏👏