اول شي اقطع الدجاج اربع قطع وبغسله عدل وبعدين انقعه في شوية ملح علشان الزفره تروح اخليه تقريبا خمس دقائق بعدين اغسله بس بالماء وابهره بملح وشوي كركم وبعدها اقليه في الزيت لحد ما يحمر شوي

في جدر احمس البصل والفلفل الحار لحد ما يتغير لونه طبعاً مع البهارات الحب علشان ريحتها تطلع ونكهة الحار تبين شوي من يذبل البصل ارمي معاه الفلفل الرومي و اوراق الكاري والليمون الاسود

طبعاً اكون مقشره الثوم ودقيته مع البهارات المطحونه مع بعض يكون افضل واسهل واسرع ودقه في المقدار بعد ما رميت الفلفل الرومي مع البصل اتركه شوي بعدها اضيفله الطماطم الصلصة مقدار ملعقه طعام اذا كان لشخصين اما اذا كان لأكثر من شخصين احط كيس الصلصة كامل

واحط معاه الثوم اللي جهزته مسبقا واحط معاه الدجاج بعد ما حمرناه بالزيت واخلطه على نار هاديه واغطيه شوي علشان تمسك البهارات في الدجاج

بعدها بضيف له الماء تقريبا ربع الجدر وبغطيها علشان تغلي شويات

طبعاً نكون ناقعين الرز بعد ما اشوف مستوى الماء نقص شوي وتذوقي اذا كان الملح زين او يحتاج زياده تزيدينه شوي بعدها بحط الرز فيه وبقصر على النار لأخر شي وخليه يستوي على راحته اذا شفتي الماء زياده تقدري تسكبي منه القليل يكون الرز مساوي الماء

بعد ما ينشف منه الماء اقلبيه بشويش علشان ما يتكسر الرز غطيه بقصدير وخليه شوي دقيقتين زياده على نار خافته جداً جداً

وبعدها يقدم ساخن مع سلطه وبالعافييه 😊😋