نغلي المقارون على حدى في ماء و ملح وزيت ونوجد الصوص تع المقارون رحيت كل من البصل والثوم والطماطم درتهم في مقلاة وقطعتلهم فلفلة حارة وكزبرة وطماطم مصبرة ودرتلها التوابل ودرتلها وحد التابل خاص بالمقارون والسباقيتي زادها بنة

وغليت كل المقادير في المقلة ومرقتهم وتركتهم يطيبو وزدتهم ورقة رند (غار) وكي طابت المقارون صفيتها مليح حطيتها في مول وفرغت عليها التونة والزيتون والفرماج (الجبنة) وخلطتهم مليح مليح ومن بعد زدت فرغت عليها الصوص اللي طيبتو وستفتها مليح في المول ودخلتها للفرن غير باه تتجمر واذا عندكم الفرماج رابي زيدولها انا كان ماعنديش