إفتح في تطبيق كوكبادالخطوات
- 1
نذوب سمن ونخليه يبرد مندخلوش للثلاجة يبرد فقط عادي باطة تاع سمن نكيل بيها 3 كيلات دقيق عادي وفنجان زيت ونزيدلهم ملح ونخليه يتبت لمدة ليلة كاملة (3 كيلات دقيق بكيلة سمن)
- 2
الغرس نقيه ونرحيه في رحاية الغرس مع اضافة الزيت....كي نرحيه نضيفلو قرفة وطيب مرحيين وجنجلان ونعجنو بشوي ماء الزهر يصبح مرخوف شوي نعجنو بزوج مغارف زيت ونلمو ونحطو
- 3
نخلط في انا ماء وماء الزهر ودقيق نبل بالدفعات مش اكل مرة واحدة من بعد لي نبلها نديرها حربوش وندير فيه حفرة وندير فيها الغرس ونغلق ونحطها في كيس الى ان نكمل الدقيق كامل
- 4
كي نكمل نعود نطبع ونحط في البلاطو يطهى بالفرن على مدة 180° حتان (حتى) نشوفوه حمار شوي من تحت من بعد نشعلو من الفوق نحمروه قليلا فقط
- 5
العسل في إناء ندير كاس سكر بكاس ماء ونحطوه يغلي. في نفس الوقت ندير إناء ثاني فيه كاس سكر يذوب...... كي يذوب السكر نزيدولو العسل لي غلى. يغلي شوي ونطفي ونزيدلو شوي ماء الزهر
كلمات ذات صلة
وصفات مشابهة
وصفات ننصحك بمشاهدتها
التعليقات