بسكوت بالعجوة
احلى وانضف كتير من بتاع الافران
إفتح في تطبيق كوكبادالخطوات
- 1
نجهز العجوة بملعقة سمن ونقلبها على النار لحد ما تبقي زي العجينة ونسيبها تبرد (ممكن نضيف عليها ملعقين من السمسم)
- 2
نحط المكونات الجافة مع بعض : الدقيق، السكر، ملعقتين من السمسم، رشة ملح، كيس الخميرة (ممكن نذوب كيس الخميرة في ربع كوب ماء وشوية سكر عشان نتاكد انها شغالة)
- 3
نضيف الزيت والسمن وندعك الخليط كويس جداً لحد ما الدقيق يشرب السمن كويس
- 4
نضيف كوب اللبن بالتدريج ونعجن لحد ماتتكون عجينة طرية (ممكن العجين ميخدش كوب اللبن كله على حسب نوعية الدقيق) ونغطي العجينة ونسيبهافي مكان دافي لحد ما تتخمر.
- 5
نهبط العجينه ونفرد جزء منهاونشكل العجوة على شكل صوابع ونحطها جوة العجينة ونقفل عليها ونقطعها صوابع زي اللي في الصورة وندهنها بالبيض ونرش عليه سمسم ونحطها في صاج مدهون ونتركها لحد ما تتخمر
- 6
نسخن الفرن وندخلهم ونهدي النار بعد شويه ونسيبهم حوالي 20 دقيقة لحد ما يحمروا من فوق ومن تحت. وبالهنا والشفا
كلمات ذات صلة
وصفات مشابهة
وصفات ننصحك بمشاهدتها
التعليقات (4)