نأخذ جوز الهند ونطحنوا ناعم جداً غبرة ونزيد معاه شانتيه وسكر ناعم ونجمع بالحليب مركز المحلي ابيض مشي كراميل بعد ماتتلم معنا نزيدو ملعقتين نشا ونخلوها تبات في ثلاجة ضروري جداً به نخدموا بيها

الحشو نخدموا جنوار 5 بيضات كاس سكر نطلعوهم مليح حتى يولي خليط ابيض ونزيد عليه نصف كاس زيت و3كاس فرينة (طحين او دقيق) كيس خميره ونحطوه في مول ونطيبوه بالفرن حتى يتحمر من تحت من فوق متحلوش عليه فرن به متهبطش وكي طيب نخلوها تبرد من بعد نفتتوها

كريمة الزبدة 250غ زبدة كاس ونصف سكر ناعم ونخلطهم بالخلاط حتى يولي كما كريمة ونضفلها نصف كاس زيت ولفاني ونخليها في تلاجة حتى تتمسك

بعد ما نفتتوا الجينواز تلموها بالكريمة الزبدة نكروها على وزن 25غ ونخلها جانبا ونجبوا العجبنة نتعنا نكورها كرات 35غ ونحشوها و نكورها ونشكلها على شكل خوخة و نعملوا ملون احمر مع شوي ماء نرشوا بالرشاشة خاصة حتى تشيح ونحطوا قوقها سكر ناعم بالصفية ونخلها تريح ومن بعد نقدمها