في إناء نحط الفرينة (طحين) و السكر و الخميرة و خلطي الكل

ضيفي الملح و خلطي

ضيفي ملعقة كبيرة زبدة و دلكي عجينتك مليح حتى تتشرب كامل الزبدة اذا ولات تتقطعلك العجينة ماتخافيش منها كملي دلكي حتى ترجعلك رررطبة و كتلة واحدة

ندهن الاناء بالزيت و نحطها و نخليها تختمر

نخليهم يبردو و نقطعهم شرائح متوسطة الطول تقدري هنا تعاودي ترجعيهم للمقلاة باه يتحمرو مليح يجو تان شبان

نكسرلها الخميرة و نرش طاولة العمل بالفرينة شكلي العجين على حربوش طويل و نقطعو لكرات

نحل الكرات رقاق شوية و نبدأ نطويهم و نغلق الاطراف و نغلق خط الغلق باه ماتنحلش و نحط الحبة على الجهة لي فيها خط الغلق

نغطيهم و نخليهم يخمرو حتى يتضاعف حجمهم مليييييييح و غير نشوفهم بداو يطلعو نشعل الفرن على اعلى درجة و نخليه

غير ينتفخو و يخمرو مليح ندهن الوجه بالماء و نقص الفرن و ندخلهم يطيبو

غير يطيبو من تحت نشعل من فوق تحميرة خفيييييييفة و نطفي لانو نحتاجوه ابيض لانو راح نبريسيوه

نخرجوه و نغطوه نخلوه يبرد مليح و نحلوه و نفرغوه من اللبابة

نعمرو جبن و مايونيز و دجاج مقطع

وفي الاخير نسخن الطاجين نتاعي مليح و نحط البانيني فالطاجين و نضغط عليه بغطيوة تكون كبيرة باه تنضغط كامل الحبة