نبداو بعجينة الصابلي نخلطو الزبدة مع السكر مليح حتى نتحصلوا على كريمة نضيفلها الفاني و البيضة و نلم بالفرينة نغلفو العجينة تاعنا و نخليوها ترتاح لمدة ساعة

من بعد نجبدوها نحطها فليمول تاعنا نسويها مليح نثقبهم و نحط فيه حمص و لا لوبيا باه ما تنتفخش و ندخلهم يطيبو لازم يطيبو حمر

من بعد نديموليهم و نروح الكريمة نخلط الحليب و النشا و السكر بارد في بارد و نحطو فوق النار كي يسخن الحليب نضيف الشوكولاتة كي تعقد الكريمة تاعنا نطفي و نعمر ليتاغتولات و ندخلهم للثلاجة يبردو

من بعد نطلع الشانتيه نص نخليه ابيض و نص نضيفلو شوكولاته بودغ ندخلهم في زوز فلابوش و نشكل غوزاس بلونين