نفصل صفار البيض عن البياض ونخفق الصفار مع السكر والفانيليا لحتى يصير رغوي وبعدا بنضيف كاسة الببسي والزيت ونخفق عالبطيء وبالأخير مننخل الطحين مع البكنغ باودر ونضيف بالتدريج ونخفق عالبطيء لحتى تتكون عجينة كيك سميكة

نخفق بياض البيض مع رشة ملح لحتى يصير ميرانغ كريمي

نبدأ نضيف خليط الكيك ملعقة ملعقة ونخلط من فوق لتحت مع الميرانغ لحتى تخلص الكمية

نصب الخليط ونحطو بصينية فرن مجهزة ونحطا بالفرن الحامي مسبقا

نبدأ بتجهيز صوص الموز او الكريم ياتسيير نبدأ بخفق الصفار لحتى يصير رغوي ونحطو فوق الحليب ونضيف فوقو النشا والطحين والسكر ونخفق على البارد ونحطو على نار متوسطة ونحرك ليغلي رح يجمد معنا شوي بس رح نضل مستمرين بالتحريك لنطفي النار

بس طفينا عنو رح نخفق بخفاقة الكريمة ونضيف الزبدة الطرية شوي شوي

ونتركو ليبرد ونحطو بالخلاط مع إضافة الموزة لحتى يصير كريم نااعم جداً

بس تأكدنا من استواء الكيك يترك ليبرد ونزينو بصوص الموز اللي حضرنا وكريمة الشانتيه وصحة وهنا