معكرونة بالبسطرمة ❤️
اكلات سهله وسريعه 😍
إفتح في تطبيق كوكبادالخطوات
- 1
اول حاجه طبعاً بسلق المعكرونه في حله على النار فيها ملح وشويه زيت انا بحب اسلقها للآخر وباخد من ماء المعكرونه كوب كده هستخدمها بعدين.. ونصفيها ونحطها على جمب
- 2
نعمل بقى الصلصة... في حله على النار فيها ملعقة زيت أو زبده وننزل بالبسطرمه نشوحها ونحط عليها الطماطم والفلفل الاخضر وبعد كده احط عليهم الصلصة وكوبايه الماء بتاعت المعكرونه واسيبهم يتسبكو مع بعض
- 3
وبعدين نضيف الجبنة الرومي والموتزاريلا او اي نوع جبنة يسيح مع الصلصة بيديها طعم ونحط الزيتون ونظبط الملح يبقى حاجه بسيطه عشان الزيتون والبسطرمه حوادق وشويه فلفل اسود
- 4
بعد كده نحط عليهم المعكرونه المسلوقه ونقلبهم ممكن ترشي جبنة رومي مبشوره على الوجه وتدخليها الفرن وممكن تقدميها كده عادي تحطي الجبنة وتقفلي غطا الحله والبخار هيسيح الجبنة 😋 انا عن نفسي باكلها كده من غير الفرن
- 5
انا بسميها معكرونه الازمات حلوه جداً وسريعه وتنفع لجوع اخر الليل بتاعنا كلنا 😂😂 جربوها وان شاء الله هتعجبكم ❤️❤️ واللي يجربها يقولي بقى كلمتين حلوين على الماشي 😂😂😂
من الأكثر بحثًا في
كلمات ذات صلة
وصفات مشابهة
وصفات ننصحك بمشاهدتها
التعليقات