انا كيلة تاعي غرفية لكل يعرفها نخلط كيلة تاع زبدة ونزيدلها كيلة تاع الماء ولمهم بلكيلو تاع فرينة (طحين او دقيق) دفعة وحدة ثم نقسم العجينة على 6 كرات

ثم نحل العجينة ونقسمها على2 ونحلها بطول في نيمرو2 ثم 8 وكاين العكس كل وحدة ومشينة ديالها وتكون شوية رقيقة ونطويها على ختها

وندير في وسطها المايزينة وكل نحلهم على نفس الطريقة حتى نكمل 6 كرات ومنساش المايزينة بين العجينة والعجينة تكون طويلة وغليظة ثم نحلها بحلال ونحلها على حسب المول لي عندي ونقعها على 2 ندير الطبقة 1 ثم ندير العقدة

العقدة: 3 كيلات كاوكاو (فول سوداني) مع 3 مغارف كبار سكر ومغرف زبدة ذائبة ورش بماء الزهر ومنعجنهش نخليه كيما اي مثل الطعام

ثم ديري طبقة 2 وخرجي النفس منها مليح ثم قطعيها كيما اي مثل تحبي انا قطعتها مربع ديريلها من فوق كاوكاو (فول سوداني) او لوز ثم ادهنيها لسمن ذائب وخليها مدة ساعتين باش طيبيها بالفرن مدة ساعة من تحت 40 دومن فوق كمليها ساعة تبقى 20 دثم عسليها ومن بعد انشاء الله نصورلكم طريقة اذا مفهمتونيش