العجينة في ايناء نضع جميع المكونات الا الفرينة والخمارة ونخلطهم مليح بالباتوغ او باليد حتى نتحصل على كريمة وبعد ذالك نزيد الفرينة والخمارة حتى متحصل على عجينة طرية ونخليها ترتاح حوالي ساعة بعد ذالك نخليها رقيقة حوالي ٢ملم ونقطعها بطابع دائري ونشكلها فالمول نتع الكورني

تدخلهم الفرن اطيبو من تحت ثم من فوق كنخرجهم نخليها يبردو شوي و نحيهم باش ميتكسروش ومن جهة أخرى نحضر الكريمة نخلط الزبدة مع الزيت والسكر بالباتوغ حتى يتضاعف الحجم منع الكريمة بعد ذالك نزيد عطر الكراميل والكاوكاو ونخلطهم

نضع كريمة الزبدة في كيس حلواني ونحشي الكورني وبعد ذالك نطليهم بالشوكولاته كتنشف الشوكولاته تزينها ندهن الجزء العلوي بالعسيلة او ناباج نرمدو فالكاوكاو وبعد ذالك نعمل خطوط بالشوكولاته وتزينيهم من فوق كيما اي مثل تحبي انا درت ربطة الشوكولاته