بقطع الباذنجان لشرايح وبقليهم وبنقع الرز بماء فاترة مع ملعقة ملح تقريبا نص ساعة وبقلي اللحمة مع معلقتين سمن وبضيف ملح وبهار وفلفل اسود ولما يكون كل شي جاهز ببدا بتطبيق الطنجرة وببدا بطبقة لحمة وبعدا باذنجان وبصف الباذنجان على اطراف الطنجرة وبنزل الرز المنقوع والمغسول بالوسط وبغمرو بالماء المغلية اللي بضيفلها الملح المرغوب

وبتركها تأخذ غلوة وبعدا بهدي النار وبتركا لحتى تنشف الماء وبقلبها على طبق التقديم وبتركا ساعة تقريبا لحتى تحافظ على شكلها والتزيين حسب الرغبة وصحة وعوافي على قلوبكم