بغسل البرغل غسلة سريعة وبصفيه وبضيف الملح وبتركه ربع ساعة

بطحنه على ماكينة اللحمة دورين مع اضافة البصلتين اثناء الطحن وبالدور الثالث بضيف الهبره والبهارات وبطحن الخليط للمرة الثالثة وبعد مرحلة الطحن بتجي مرحلة الدعك وهون لازم تحطي كل قوتك بدعكها 💪💪مع اضافة الماء بكميات قليلةلحتى تتجانس وتصير عجينة متماسكة ولينة نوعا ما حتى تتفادي التشقق

بقلي اللحمة مع ملعقة سمن وبصله كبيرة مفرومة ناعم واخر الشي بضيف البهار والفلفل والملح وبترك اللحمة تبرد وبتخلص من السوائل اللي طلعت منها

ببدا بالتشكيل والحشو وهالشي بيكون حسب رغبتك بشكلها وحجمها

وبزيت غزير ونار عالية بقليها وانتبهي اثناء القلي بحيث انو تهدي النار شوي بعد ماتضمني تماسكها لحتى يستوي البرغل من جوا وصحة وهنا على قلوبكم