نحط في إناء بيضة وحليب بودرة والزيت والخميرة ونضيف الماء الدافئ ونفتح المكونات جيداً ونزيد الفرينة (طحين) حسب الحاجة باه تولي عجينة طرية وتنشف المكونات السابقة ونحطها تختمر على جنب

نحضر الحشوة وندير البصل المقطع مربعات ونقليهم في الزيت والملح حتى تذبل ونزيد عليها الجزر المبروش نذبلو مليح ونزيد الفلفل الاسود ونحرك بعد ما تذبل المكونات نضيف الدجاج لي كنت طيبتو سابقا ومفتت ونقليه ونزيد عليها معدنوس (بقدونس) وحشاوش وملعقة قرفة وزنجبيل وزيتون وثوم وفرماج لي تقدري عليه ونحركها ونقلبهم مليح حتى تتجانس المكونات وتتقلى مليح كي طيب ننزعها من النار ونحطها في إناء تبرد

نرجع للعجينة ونكسلها ونقطع دوائر ونحط الحشوة في نصف الدائرة ونغلق عليها بفرشيطة من الجوانب او نطبع مباشرة بمول تاع سوفلي وندهنهم بالصفار بيضة ونزينهم بالحبة البركة ونطيبهم في الفرن على نار متوسطة ونشعل عليهم من فوق باه تتحمر