بسم الله في إناء نفقص البيض نضربو نضيف السكر و الزيت و نحرك دايما و نضيف الفاني الفرينة (طحين) شوي و مغرف خميرة و نكمل الفرينة (طحين) حتى تولي سائلة ثخينة شوي نفرغ في لمول لي ديجا دهنتو كيما اي مثل تحبو زيت ولا زبدة ونحطو يطيب بالفرن (يستوي)و شاربات زوج كاستين ماء و كاس سكر و شريحة قارص (ليمون) لما طيب المسكوتة نتاعي نسقيها بالشاربات لازم تكون باااردة

الكريمة نص ليتر حليب مع الفلون كراميل و مغرف سكر و مغرف كبيرة نشا نخلطهم بارد في بارد نحرك مليح نحس النشا ذاب نحطها فوق النار مع التحريك الدائم حتى تخثاار تولي كريم نخليها تبرد شوي و نجيب المسكوتة نتاعي لي سقيتها بالشاربات نصب الكريمة من فوق و نحطها في الثلاجة تجمد و شهية طيبة