نضع في إناء الدقيق والفرينة (طحين) ونضع الزيت نخلطو شوية من بعد نحطو لخميرة السكر والبيضة نخلطو شوية ونحطو الملح ونلمو بالحليب والماء

نعجنو لعجينة 5 دقائق من بعد نغطوها ونحطوها تختمر بعد ماتخمر نديروها بولات صغار ونحلوها بيدينا كيما اي مثل لمطلوع هاذي الكمية تاع الفرينة (طحين) ودقيق تخرجلكم 7 الى 8 حبات نغطوهم نحطوهم يخمرو بعدها نطيبوهم في مقلاة تكون شوي ثقيلة

الحشو نقطعو صدر الدجاج الى مربعات نقلوه مع شوية ملح فلفل اسود ونقليو بطاطا انا درت مايونيز طماطم سلاطة هريسة بيض قليتو مع شوي بصل و دبشة (كزبرة) ونحطهم طبقات