بسم الله نحط الدقيق في القصعة و نضيف الملح و الزيت و نمحر مليح الزيت في الدقيق نضيف الجلجلانية او السانوج (حبة البركة) حسب الرغبة انا نحب نحط جلجلانية هو في الاساس ميجيش فيه ونضيف الخميرة ونبل بالماء ونعجن حتى يكون متماسك

نخليه يرتاح ونرجع نعجنو مليح من باعد نحط طاجين مسرح وندير الكسرة نتاعي نقرصها مدورة كي يسخن الطاجين نديرها طيب ونقلبها على الجهتين حتان (حتى) طيب كيما اي مثل في الصورة