نقوم بسلق المعكرونه نصف استواء في حله بيها ماء مغلي ورشه ملح وشويه زيت

نقوم بتعصيج اللحمة نقوم بوضع شويه من السمن في طاسه ونضع عليها البصل والملح بعد ما البصل يذبل نضع اللحمة والفلفل الاسود وبعد ما تصل لنصف سوى نضع عصير الطماطم ونخليها تتسبك شويه بعدين نطفي النار

لعمل البشاميل نضع السمن في حله على النار ونضع عليها الدقيق دفعه واحده ونقلب جيداً اول ما الدقيق ريحته تطلع نضع اللبن والشوربه مره واحده ونقلب جيداً جدااا وبعد كده نضع الملح والفلفل الاسود ورشه جوز الطيب لو الخليط اتكتل معاكي واضربيه في الخلاط

ندهن الصينيه بالسمن ونرشها بقليل من الدقيق ونضع طبقة من المعكرونه اكثر من نصف الكميه وبعدين طبقه اللحمة وبعدين باقي المعكرونه ثم نضع عليها طبقه البشاميل ونساوي الطبقه كويس وبعدين نضع بيضه مخفوقه على الوجه او جبنة موزاريلا وبعدين ندخلها على فرن حامي جداً بعد احمرار الوجه نطلعها ونتركها تبرد قبل التقطيع وبالهنا