سويت آند ساور تشيكن
إفتح في تطبيق كوكبادالخطوات
- 1
نتبل الفراخ بملح وفلفل اسود وكمون وزنجبيل وبابريكا وكاري وكركم وبهارات فراخ ومعلقتين دقيق ونزود عليهم شويه ماء بحيث التتبيلة تبقى سائلة
- 2
نكون مجهزين حوالي ٥ ملاعق دقيق عليهم ملعقة نشا و رشة فلفل اسود وزنجبيل ونطلع الفراخ من التتبيلة عليها وبعد كده نحمرها في الزيت ونسيبها على جنب وفي الوقت ده ممكن نكون سلقنا المعكرونة وقطعنا الخضار قطع متوسطة
- 3
نجهز الصوصات وبتكون صوص الفراخ ٥ ملاعق كاتشب و٢ صويا صوص ومعلقة عسل اسود ومعلقة خل ومعلقة صغيرة نشا ونزودهم شويه ماء
- 4
وصوص المعكرونة ٥ ملاعق صويا صوص و٢ كاتشب ومعلقة صغيرة نشا ونزودهم شويه ماء
- 5
نجهز حلتين ونحط في كل واحدة حوالي 3 فصوص ثوم مفرومين وعليهم رشة زنجبيل واول ما الثوم ياخذ لون ننزل بالخضار يتشوح فيه والخضار للفراخ اكتر من المعكرونة بنحطلها حاجه بسيطة
- 6
اول ما يتشوح الخضار ننزل عليه بالصوص لكل حاجه فيهم وبعدها ننزل الفراخ والمعكرونة ولو لاقينا الصوص تقل شويه عليهم ممكن نزود ماء عادي عشان النشا بتنقل واللي حابب يزود الصوص اكتر مفيش مشكلة كل واحد حسب رغبته طبعاً ونطفي عليهم بس نسيب الفراخ شويه قبل الغرف بحيث تشرب من الصوص وبالهنا والشفا ♥️
كلمات ذات صلة
وصفات مشابهة
وصفات ننصحك بمشاهدتها
التعليقات