الطريقه.. 2 كاس حليب سائل...بنحطهم على الغاز..وبنحط فوقيهم 2 كاس ونص جبنة موزريلا يعادل 600غ.. بنحرك وبنرفع المعلقه لفوق وتحت..وبنزل نص كاس سكر.. ربع كاس ماء زهر.. لمى تبلش تغلى بنوطي الغاز على الاخير..وبنزل كاس سميد ناعم بودره..بنضل نحرك لفوق وتحت حتى يختفي لسميد..بنتركه يبرد 5 دقائق..

بنحظر كيس تغليف طعام.بنمدو وبندهنو قطر وبنمد العجينه.. وبنحشيها قشطه وبنلفها رول وبنقدمها فورا او بنتركها بالتلاجه ساعتين..وبنسقيها قطر وقت تقديم.. ❤❤❤

طريقة القشطه.. بطنجره على الغاز بنحط الحليب (استعملت حليب نادك 1.70 لتر) اخدت منو كاسه حطيتها على جنب وحطيت كل كمية الحليب..لمى يقرب الحليب يغلى بنحط 3 ملاعق خل ابيض او عصير ليمون معلقتين كبار..بفقس الحليب بتطلع القشطه...لفوق وبنخلي يغلى خمس دقائق حتى يصير الحليب متل المصل..بنصفيه بمصفايه ناعمه..وبنخليه يتصفى من المي..

هلا بطنجره تانيه بنحط كاس حليب..معلقتين سميد كبار..معلقتين نشا كبار...معلقة زبده لورباك كبيره..وبنحركهم حتى يغلو... وبنقيم طنجره..وبنتركها تبرد عشر دقائق..