انا السردين خيرت الرقيق نقيتو و خليتو مجمول ما فتحتوش كامل و غسلتو مليح بالماء والخل و خليتو يقطر من الماء مليح

حطيتو في صحن غامق و درتلو الملح و الفلفل الاسود و الكمون و الثوم بودرة و التوابل هادو على حسب الكمية

خليوه يتشرب التوابل على الأقل نصف ساعة و من بعد نرمدوه فالفرينة و نستفوه بشكل دائري ثم نعمر الفراغ في مقلاة لازم تكون ثقيلة و ما تلصقش كامل

كي نكملو نستفوهم نديرلهم معرفة زيت و نحطو على نار متوسطة و نغطيو عليه لازم تحركيه مجمول و ماتفصليهش من بعضاه كي يطيب على لوجه الاول نقلبو باش يتحمر على الجيهتين و شهية طيبة