तेल सोडून वडीसाठी दिलेल सगळं साहित्य एकत्र करणे,

मंद आचेवर, एका कढईत किंवा जाड भांड्यात, आधी 2 चमचे तेल घालावे व तेल गरम झाल्यावर वडीसाठी तयार केलेलं मिश्रण घालावे. ते घोटून घोटून शिजवावे, घट्ट गोळा तयार झाल्यावर एका तेल लावलेल्या ताटात तो गोळा पसरट थापावा व थंड झाल्यावर त्याच्या चौकोनी वड्या पाडाव्यात.

ग्रेव्ही साठी दिलेलं सगळं साहित्याची मिक्सर मध्ये बारीक पेस्ट करून घ्यावी, एका पातेल्यात तेल घालून त्यात फोडणीत हिंग, जीरे, कडीपत्ता, एक कांदा बारीक चिरून थोडा बदामी होईस्तोवर परतून घ्यावा, मग त्यात आलं लसूण पेस्ट टाकून थोडे परतुन घ्यावे, नंतर हळद, तिखट, धणेजिरेपूड, गरम मसाला, व तळलेलं वाटण, टाकून परतून घावे (ओल खोबर वाटणात एकत्र घेतलं तरी चालेल नाहीतर शेवटी नारळाचं दूध घालू शकता आणि ते ही नसेल तरी नुसतं कांदा, सुख खोबर तळलेले वाटण चालेल)

नंतर त्यात अंदाजे पाणी घालून चवीपुरते मीठ घालून ग्रेव्ही उकळू द्यावी, नंतर कापलेल्या चौकोनी वड्या घालून परत ग्रेव्ही उकळून घ्यावी, घट्ट वाटल्यास थोडे पाणी वाढवू शकता, शेवटी कोथिंबीर घालून गरमा गरम सर्व्ह करावे. कापलेल्या वड्या तळून ब्रेक फास्ट साठी स्नॅक्स म्हणून सुद्धा खमंग छान लागतात.