बेसन रोल बनवण्यासाठी- सर्वात प्रथम एका बाऊलमध्ये बेसन,लाल मिरची पावडर, हळद पावडर,गरम मसाला पावडर, चाट मसाला,आवश्यकतेनुसार मीठ आणि एक कप पाणी घालून मिश्रण एकजीव करा. मिश्रण एकजीव केल्यानंतर त्यात एक छोटा चमचा तेल घाला आणि 15 ते 20 मिनिटांसाठी बाजूला ठेवा.

15 ते 20 मिनिटे झाल्यानंतर मिश्रणाला तव्यावर थोडे थोडे टाकून त्याच्या पुऱ्या बनवा. पुऱ्या शिजल्यानंतर त्याच्यावर कोथिंबीर बारीक चिरलेली हिरवी मिरची टाकून त्याचे रोल बनवा आणि नंतर हे रोल आवडते आकारांमध्ये कापून घ्या.

करी बनवण्यासाठी- सर्वात प्रथम एका पॅन मध्ये दोन मोठे चमचे तेल टाका आणि ते गरम होऊ द्या. नंतर त्यात कांद्याची पेस्ट घालून दोन-तीन मिनिटे हलवा. नंतर त्यात आले लसून पेस्ट आणि चवीनुसार मीठ घाला. आणि हे मिश्रण थोडेसे परतून घ्या त्यानंतर त्यात धने पावडर, लाल मिरची पावडर, हळद पावडर टाकून एक-दोन मिनिटासाठी परतत रहा.

आता त्याच्यामध्ये एक वाटी दही टाकून तेल सुटेपर्यंत मिश्रण हलवत रहा. तेल सुटल्यानंतर त्यात तळलेला कांदा पावडर करून टाका. त्यानंतर त्यात एक कप पाणी घालून चांगल्या प्रकारे मिक्स करून घ्या. आता त्यामध्ये कट केलेले बेसन रोल टाका आणि त्यात वरतून बारीक चिरलेली हिरवी मिरची आणि कोथिंबीर टाकून सजवा. आता तयार आहे तुमची चमचमीत बेसन रोल करी. ही बेसन रोल करी तुम्ही चपाती सोबत किंवा भातासोबत खाऊ शकता.