نضع سميد وفرينة وخميرة كيميائية وسكر وملح وخل ونجمعهم فلماء دافي لازم يكون قوام العجينة طري اي ماشي يابسة وماشي مطلوقة انا ماقيدتكمش بالماء لانو كاين سميد يشرب ماء ولا كاين سميد مايشربش قبل لذالك ننصحكم تمشو معاها بلعقل فلماء ماتطلقوهاش على ضربة باش تتحكمو فيها من بعد تعجنوها شوية ماشي بزاف ونخليها تريح حوالي نص ساعة للامانة انا خدمتها قليلوننصحكم تخدموها قليلباش ماتعبكمش فعجين والله

من بعد ما تريح نص ساعة نرجعو ليها ونعجنوها حوالي نص ساعة ونشوفو اذا طرية مانضيفولهاش ماء واذا جاتك ماشي طرية ضيفيلها ماء واعجينها قيس مايدخل ماء فيها وتتجانس من بعد نجيب سنيوة لتقدري دخليها للفريجيدار وتدهنيها بزيت وتكوري عجينة وتوليزها كريات صغيرة وندها بزيت من كل جوانب ونغطيها ببلاستيك غذائي ونحكملها الغلق لكي لايقيسها الهواء باش ماتنشفلكش ونتركها فلثلاجة تبات وفصباح نخرجها من ثلاجة بساعة قبل مانحلها(نفردها) لكي تسخن من بعد ندهن طاولة العمل بزيت لازم تكون طاولة العمل ملساء لكي تساعدك على حل

العجينة وانا الكرية نحلها رقيقة بزاف من بعد نديرلها زيت غير شوية ونطويها على شكل مربع ونتركها ترتاح حوالي دقيقتين ونطيبها في طاجين حديد الخاص بمسمن وشخشوخة او مقلا تيفال خلاص بلكراب وعلى نار هادئة ونتركها طيب اي تنضج من جهتين نصيحة ماتقلبيهاش حتى يختفي لون العجين الابيض يعني حتى يصبح لونها اصفر ونقلبها باش تجيك طرية وهذي العجينة تصلح ديري بيها محاجب ولا رقاق شخشوخة كاين ليقلو مفرمسة أسماء تختلف من منطقة لمنطقة برك نقلك هذي عجينة ماتستهلكش بزاف زيت وبصحة وعافية