أولا نمزج مكونات العجينة و ندلكها قليلا و نديرها كريات صغيرة و نحطها ترتاح شوي و كي ترتاح نحط زوج كرات فوق بعضهم و نخبزهم و نطيبهم فالطجين نتاع الشخشوخة و نفتتوها قطع صغيرة و نخليوها باش من بعد نجمروها فالمرقة.

ثانيا نجيبو الجاج او اللحم و نقليوه فالزيت و البصل و الثوم و الطماطم لي كنا رحيناهم و نضيفو الطماطم المصبرة و الهريسة و الشحمة و التوابل و نقطعو ربع كمية الدبشة و نضيفوها مع الاول و نخليو اللحم يتقلى في عقلو من ثم نمرق و نخلي اللحم يطيب مين يطيب اللحم نحيوه و نشوفو المرقة ويلا خصت كاش حاجة و هي لازم تجي حارة و حمرة بزاف و مدسمة شوي نقطع الدبشة لي بقات كامل و نخلي منها القليل فقط للتزيين و الباقي نضيفو فالمرقة و نضيف فلفلة خضراء فالمرقة و نخليها تغلي شوي و نطفيلها.

نجيب قدر ثاني و نوضع فيه كمية من المرق و نزيد الفتات لي طيبناه و نخليهم يهزو غلية مليحة مع التحريك المستمر و نقدموها و تزين بالدبشة و الفلفل الاخضر المقطع و قطع الدجاج او اللحم. و شهية طيبة