الفراخ البانيه بأحلى وأجمل طعم
الفراخ البانيه سهلة وكلنا بنعرف نعملها جربوها بطريقتي بجد احلى طعم كل اصحابي بيحبو ياكلو بالطريقه دي من جمالها وبيطلبو مني اعمله قبل مايجولي
الفراخ البانيه بأحلى وأجمل طعم
الفراخ البانيه سهلة وكلنا بنعرف نعملها جربوها بطريقتي بجد احلى طعم كل اصحابي بيحبو ياكلو بالطريقه دي من جمالها وبيطلبو مني اعمله قبل مايجولي
إفتح في تطبيق كوكبادالخطوات
- 1
اول مانجيب البانيه هنغسله واحدة واحدة تحت الحنفيه وهنحطه فمصفاه ينزل اي ماء فيه لحد ماينشف تماما قبل مانبدأ التتبيل
- 2
هنحط البصله الصغيره مع 2 من الفلفل الحامي في الكابه (يفضل الفلفل الاحمر الحامي وممكن اخضر) وفص ثوم صغير ونضيف التوابل رشة ملح
نص ملعقة صغيرة فلفل اسود
رشة كمون
رشة كركم
نص ملعقة صغيرة بابريكا
نص ملعقة صغيرة روزماري
نصف مكعب مرقه دجاج
ونبشرهم جامد وناخد التتبيله دي نضيفها على البانيه - 3
نضيف عصير ٢ ليمونة ونقلب كويس جداً ونمزجهم ببعض وبكدا هيكون عندنا التتبيله جاهزة
- 4
هنسيب البانيه ليلة في الثلاجه او نخزنه في الفريزر لفتره اطول
- 5
عند التحمير هنطلع البانيه من الثلاجه او الفريزر ونشيل التتبيله او اي قطع بصل او فلفل من عليه بالايد
ولازم قطع البصل والفلفل تنزل
كلها عشان ميفكش الطبقه الخارجيه اثناء التحمير - 6
هنحط فوق البانيه بيضه لكل نص كيلو ونقلبها مع البانيه ونمزجها كويس وبعدين نطلعه من البيض نحط في فيجيتار او البقسماط ونسيبه في الثلاجه ١٠ دقائق عشان الكڤر يمسك او ممكن نقلي على طول وهيكون متماسك بردو
- 7
ملحوظه: لازم الزيت يبقى سخن اول ماتحطي البانيه عشان القشره متفكش لحد ما اول جنب يبدا يمسك نفسه ويأخذ لون ذهبي فاتح هنقلل الحراره لمتوسطه لحد مايستوي ومتقلبوش على الجنب التاني الا لما اول جنب ياخذ لون عشان كتر التقليب ليه وهو لسه محطوط في الزيت بيخلي القشره تفك
- 8
نطلعه على مناديل مطبخ ونقدمه مع معكرونه بالصلصه او بالوايت صوص وبألف هنا ☺️😋😋
كلمات ذات صلة
وصفات مشابهة
وصفات ننصحك بمشاهدتها
التعليقات