اللفت المخلل روعه
اللفت المخلل حاجه كدا تحفه بحطه جنب فطار غدا عشا مبستغناش عنه
إفتح في تطبيق كوكبادالخطوات
- 1
هنجيب اللفت المتوسط الحجم ولا صغير اوي ولا كبير اوي وانا عن نفسي بقشره لاني مبحبش طعم القشره وكمان بيبقي فيها جزء كبير من المراره
- 2
بقطع اللفت بالسكينه العاديه شرايح وبعدين بقطاعه المخلل المشرشره دي عشان تدي شكل
- 3
بغسل كميه اللفت واحط فوقها معلقتين ملح واسيبه فيها حوالي 6 ساعات عالاقل وممكن لحد ليله بنزل كل المراره اللي فيه واخده اغسله
- 4
بضيف البنجر متقشر متقطع شرايح على اللفت واقلبه معاه
- 5
بضرب الفلفل الاحمر في الخلاط لحد ماينعم خالص يبقي شبه سائل واضيفه على اللفت والبنجر
- 6
هنحط كل ده في البرطمان ونضيف عليه محلول التخليل و شرايح التوم و بالنسبه لمحلول التخليل هنحط كل المقادير على بعض اللي هي عصير الليمون على المايه مع الملح والسكر والخل بالكميات اللي مكتوبه فالمقادير وناخد بالنا ان الكميات دي لكل لتر واحد من المايه ولو هنضاعف المايه نضاعف المقادير
- 7
ملحوظه السكر هنا فايدته انو مش هيخلي اللفت يطري ويتهري
- 8
هسيب اللفت في التخليل اسبوعين كاملين وياريت بلاش نفتح عليه قبل كدا لاننا هنلاقيه لسه ممرر وده بسبب انو مش بيبقي استوى لما بيستوي بتكون كل المراره راحت منه واسبوعين كويسين لان الجو برد وبالهنا والشفا
كلمات ذات صلة
وصفات مشابهة
وصفات ننصحك بمشاهدتها
التعليقات