في قصعة نخلط سميد والفرينة والملح والسكر و نزيد سمن والزبدة ونبسس مليح مليح حتى يدهن دهان كله داخل سميد ونغطيه بطرشون ونخليه ليلة كاملة او على الاقل 5ساعات ومن بعد نخلط ماء مع ماء زهر ونبدا نشمخ فى سميد حتى نحصل على عجين طري ونعمل حربوش و نعملدفتحة في الوسط

ونضع الغرس اللى حضرناه ودلكناه بزوج م ك زيت وقليل من القرفة حتى اصبح طري ونضع حربوش داخل العجين ونقفل عليه ونسڨمه مليح حتى لا يفتح وناخذ مول المقروط ونضغط شوية على العجين ونقطع معينات ونحطها في صينية وندخلها الفور على180درجة ونخرجها ونعسلها

وكي نحب نقدمها نعاود نعسلها ونحطها فى لكسات ونذر شوية جلجلان محمص وصحة وعوافى. هذا المقروط ناجح100/100.