نخلط جيدا البيض مع السكر نزيد الزيت تدريجيا ونخلط ونزيد لحليب ونخلط لافاني ونزيد نواد كوكو ونزيد زاست ولم بكاس ونص فرينة كاين لفرينة لي تشرب ولفرينة لي لالا لموهيم لقوام يكون قوام الكيك ونجيب مول طويل ندهنو بالزبدة والفرينة ونديرها طيب على فرن ساخن مسبقا كي نديرها طيب منفتحش عليها حتى تطلع وتشوفيها حمارت مطرف ونشعللها ملفوق باش تحمار مليح كي نخرجها نطليها كامل بلاجولي أو لكوفيتور أنا زينتها بالشوكولا ذوبتها وزتلها علبة دانات شوكولا وذرذرت نواد كوك زينها حسب الرغبة والموجود بالصحة والراحة حبيباتي