بسم الله نخلط البيض مع السكر جيدا ثم نضيف الزيت بالتدريج ونخلط مليح ونزيد لحليب و لافاني ونضيف الميزينة ونخلط ولقرصة ملح ونزيد الفرينةو لخميرة حسب الحاجة تكون القوام قوام االكيك ونقسم الخليط الى قسمين ولقسم الثاني نزيدلو لكاكاو ونخلط ونزيد نقسم قسم الفاني الى اثنين والشوكو الى اثنين يولو أربعة زوج فاني وزوج شوكو نجيب لمول ندهنو بالزبدة والفرينة ندير طبقة تاع الفاني نديرها طيب ونجبدها نطفي النار ملتحت ونشعل ملفوق ونزيد الطبقة الشوكو فوق لفاني ونديرها طيب كي طيب نعاود نفس الشي مع لفاني والشوكو

كي نكمل كامل الطبقات نحيها ونسقيها بكاس شاربات او نطليها بالكوفيتور او ناباج او كاس حليب حسب الرغبة والذوق ونخليها بجيه تبرد ونخدم طبقة الكريمة

نجيب نص ليترا حليب نديرلها باطا فلو شوكو او فاني حسب الذوق ونزيدلهم زوج مغارف كبار ميزينة وزوج مغارف كبار سكر كي تعقد نحيها ونزيدلها نصف علبة شكولا سوداء وندير طبقة تاع لكريمة ونديرها تبرد ونضيفلها كوكاو مدشش بالصحة و الراحة