بسم الله نفرغ الفرينة (طحين) ونضيفلها خميرة الخبز والسكر نخلط ونزيد الملح والخميرة الكميائية و نبسس بالزيت مليح ونلم الفرينة (طحين) بالحليب الدافئ ونتركها تختمر ربع ساعة حتى يتضاعف الحجم ثم نقرصها الى دوائر ونحطها فسنيوة مدهونة بالزيت ونغطيها ونخليها تزيد تختمر ونوجد لاصوص

اربع فصوص نسكرفجهم ونضيف ثلاث ملاعق زيت ومغرف الا ربع طماطم مصبرة ونقليهم مليح مليح ونضيفلهم أربعة طماطم مسكرفجة ونضيف الملح والفلفل الاسود والاحمر وشوية زعيترة ونخلي لكل يطيب على نار هادئة حتى طيب الطوماطيش وتتجمر نحيها نخليها بجيه نجيب حبة طرشي نقطعها دوائر رقاق

ونجيب حبة بصل نقطعها دوائر ونقطع المعدنوس ونغلي زوج حبات بيض ولماييز تاع الباطا والزيتون الاسود والاخضر ولفرماج تاع البيتزا ولمايوناز نوجد كلش بجيه ونبدا نجيب العجينة بعد ما تكون خمرت نجيب سنيوة تاع لكويزينيار وندهنها بالزيت والفرينة

نحل العجينة دائرية وندير لاصوص والطورشي ولبصل والزيتون الاخضر مقطع دوائر وحبات زيتون اسود ولفرماج نربيه كامل فالوجه ونديرها طيب بالفرن ونزينها بالماييز ونسكرفج فوقها لبيض مغلي ولمعدنوس وندير خطوط المايونيز ونقدمها بالصحة والراحة