بسم الله نجيب قصعة نفرغ السميد والفرينة نخلطهم نزيد الملح مع المغرف تاع السكر ونبدا نلم بالماء حتى تتلم قوام المسمن ندلكها بالعجان وإلى معندكش وجدي العجين صباح ومين داك روحي دلكيه وديريه داخل صاشي سخون غطسيه داخل لما سخون ونحيلو لما وغطي لعجين ديري كويرات على حسب لحجم لي حبيتيها وخليها ترتاح باش جيك ساهلة للفتح

افتحي لكويرات مليح ودهنيها بالزيت ورشي شوية سميد رطب وغلقي الجيهة العلوية للنصف ولجهة السفلية للنصف يجو متلاقيين زيدي دهني ورشي شوية سميد وزيدي طبقيهم على زوج وزيدي على زوج وبداي دوري

دوري مالجيهة اليمنى حتى لليسرى ورمديها فالسميد وخليها ترتاح نصف ساعة وحليها وطيبيها في الطاجين بالصحة والراحة