نخلط جميع المكونات وندلك العجين جيدا وندهنو العجينة بالزيت وندخلوها بلاستيك غذائي ونسدو عليها ونخليوها ترتاح ونروحو نوجدو الحشوة

انا في الحشوة درت بصل مع فلفل مع جزر وقرع اخضر محكوكين وضفت ليهم شوية زيت وملح وفلفل اسود وفص ثوم محكوك وبقدونس وشوية الكفتة اختيارية شحرت كلشي على نار مهيلة وخليتها تبرد وضفت الجبن مبشور

نقسمو العجينة الى كرات انا هنا راني درت غير نصف المقادير يعني دايرة غير 300 غرام دقيق عطاوني غير 2 كرات اما المقادير ديال 600 غرام كتعطي 4 كرات وانتم يبقى لكم الاختيار

سرحت كل كرة مزيان بالزيت ورشيت الزبدة المذوبة وطويت العجينة على شكل مسمن وانا كنرش الزبدة فكل مرة وحطيتهم يرتاحو شوية ومن بعد ناخد كل مربع نسرحو مزيان انا غندير 2 اشكال الشكل الاول كنقسم المربع على اربعة ونحط الحشوة مثل ما في الصور ونحطهم في لاطة مفروشة والشكل الثاني نقسم المربع غير على 2 ونحط الحشوة بشكل طولي ونلف ونحطها كذلك في لاطة ندهنهم باصفر البيض ونشعل الفرن يعني لا يختمرو فأي مرحلة

كنسخن الفرن من قبل على نار مرتفعة يسخن مزيان وملي كندخلهم كنخلي النار عادية يعني متكونش ناقصة حتى كيبانو ليا نشفو عاد نقص النار نخليهم حتى يتحمرو ونقدمهم