شاراك مسكر
إفتح في تطبيق كوكبادالخطوات
- 1
نبسس الفرينة مليح بالمرغرين ذايبة وباردة ونظيف المكونات الباقين بالتدريج ونلمد بماء زهر مليح حتى نتحصل على عجينة طرية نخليها ترتاح من الاحسن تبات ليلة كاملة ونحضر الحشوة.
- 2
الحشوة: نخلط الكاوكاو مع السكر مليح حتى يتجانسو ونظيف قشور الليمون مع لفاني ونبسس بمغرف مرغرين طرية مليح ونلمد الحشوة بماء زهر ونخليها ترتاح مع العجينة.
- 3
بعد ماباتت العجينة نكورها كورات صغار على حساب ماندير حبة الشاراك ونشكل الحشوة كذالك كورات صغار على العجينة ونخليهم يرتاحو شوي ونبدا نخدم فيها.
- 4
ندير مايزينة فوق طاولة العمل ونحل بالكرة على شكل دائري ونحط الحشوة على شكل حربوش في حافة الدائرة ونرولي للحافة ونشكل على شكل هلال ونكمل باقي الحبات ونستفهم في صينية الفرن ونتقبهم من لفوق وندخلهم يطيبو مليح حتى يحمارو مليح من تحت وياخذو اللون الذهبي من لفوق نخرجهم ونخليهم يبردو مليح.
- 5
التزيين : ندير كاس ماء زهر وفيه 2مغارف سكر قلاصي ومغرف فرينة ونخلط مليييح ونغطس حبات الشاراك فيها ونرمدهم في سكر قلاصي مرة ونمسحهم ونعاود نرمدهم مرة اخرى.ونديرهم في ليكيسات..
كلمات ذات صلة
وصفات مشابهة
وصفات ننصحك بمشاهدتها
التعليقات