كنغسلو البادنجان ونقطعوه بالطول بدون قطع الرأس باش نشكلو وردة لمهم كنكملو ݣاع الكمية لعندنا بنفس الطريقة ،

ناخدو اناء نوضعو فيه كزبرة وبقدونس مهروسين وثوم وباقي التوابل والزيت ونشرملو مزيان البادنجان ونغطيوه بورق غذائي باش اتشرب مزيان مدة 5 دقائق ،

ناخدو كوكوط او طنجرة الضغط نعملو فيها البادنجان ونضيفو عليه ملعقتين ماء ونسدو عليه على نار مهييلة كنقصو عليه مزياان كيطيب غير بالفوار ، مدة 15 دقيقة ،من بعد ناخدوه ونعملوه فطاوة دالفران ندهنوها بالزيت ونخليه اتحمر ونقدموه كمرافقات بالصحة والراحة كيجي بنين اعشقوه الصغار والكبار😋👌