في مقلاة نشوح المرقاز يولي نص طياب و نخليه جانبا

نرحي الدجاج مليح ونتبلوه ملح و فلفل أسود

يكون المرقاز برد نستعين بالماء أو الزيت ونغلف كامل كعبة المرقاز من كل الجهات كي نكمل نحطها في المجمد ربع ساعة و نجبدها نحط شوية من الزيت في المقلاة ونقلي حبات المرقاز نكون مقوية النار شوية باه تعطيني اللون الاحمر من الخارج حتى نكمل كامل الكمية

في نفس المقلاة بلاما نغسلها انقص النار و نحط كمية التوم نقليه شوية بلاما نحرقوه نضيفلو الطماطم المسكرفشة ونخليها تتقلى مليح نضيف الطماطم المصبرة و السكر والملح و الفلفل الأسود و نضيف كاس ماء و نخليها اطيب كي توجد نحط عليها المرقاز المغلف ونخليه يكمل طيابو مع لسوس طوماط ونقدمها مع رشة معدنوس مقطع رقيق من فوق وبالصحة و الهناء إن شاء الله تجبوها و تقولولي