اولا نقي الدجاج مع البطاطا مليح وديرهم يطيبو مع الملح او مكعب مرق الدجاج حتى يستوي الدجاج مع البطاطا نصفيهم نحي الدجاج وحده.

في اناء ندير مغرف صغيرة فلفل اسود مع فلفل حار وكمية من توابل الدجاج وزنجبيل ومغرف زبدة وزوج مغارف زيت ونص مغرف صغيرة طماطم مصبرة محلولة فالقليل من الماء ونخلط مليح ندير فيه الدجاج حتى يتشرب مليح ومن بعد نقليه في القليل من الزبدة حتى يتحمر مليح نضيف عليه القليل من الماء لي طاب فيه الدجاج مع البطاطا حتى نتحصل على صلصة نخلي الدجاج فيها ونطفي عليه النار

بعد مانشفت البطاطا من الماء نطحنها في رحى الخضرة وندير 100غ فرماج و مغرف زبدة والقليل من الملح وندخل فيها كل المكونات مليح ونحطها في صحن التقديم ونحط قطع الدجاج بالجنب ونصب الصلصة من الفوق.وبالصحة والهنا.